काठमाडौं । राजनीतिक दल र तिनका उम्मेदवारहरुलाई चुनावी गतिविधिमा बालबालिकालाई प्रयाेग नगर्न निर्वाचन आयाेगले आग्रह गरेको छ।

आयाेगले कुनै पनि गतिविधिमा बालबालिकालाई प्रयोग नगर्न साेमबार आग्रह गरेकाे हाे ।

निर्वाचनमा बालबालिकाकाे प्रयाेगलाई आयाेगले निर्वाचन आचारसंहिता विपरीत हुने जनाएकाे छ ।

निर्वाचन आचारसंहिता, २०८२ को दफा १३ उपदफा (१) को खण्ड (ट) मा निर्वाचन प्रचारप्रसार, आमसभा तथा जुलुसमा बालबालिकाको प्रयोग गर्न नहुने स्पष्ट व्यवस्था छ।

आचारसंहिता उल्लंघन भएमा आयोगले एक लाख रुपैयाँसम्म जरिवाना गर्न वा उम्मेदवारी रद्दसम्मको कारबाही गर्न सक्ने जनाएको छ।

निर्वाचन गतिविधिमा केही उम्मेदवारले बालबालिकाकाे प्रयाेग गरेकाे भिडियाेहरु सार्वजनिक भइरहेका छन् ।

आयाेगमा यसविरुद्ध उजुरी परेपछि आयाेगले प्रयाेग गरिए  निर्वाचन आचारसंहिता विपरीत हुने जनाएकाे हाे ।