निर्वाचन सुरक्षामा कुनै चुनाैति नभएकाे उच्चस्तरीय निर्वाचन सुरक्षा समितिकाे निष्कर्ष
Nepal One HD १२ फागुन २०८२ १५:१२
काठमाडौं । प्रतिनिधिसभा निर्वाचनमा कुनै सुरक्षा चुनाैती नभएकाे उच्चस्तरीय निर्वाचन सुरक्षा समितिले स्पष्ट पारेकाे छ ।
समितिले सुरक्षा व्यवस्था मजबुत रहेकाे र कुनै चुनाैती नभएकाे दाबी गरेकाे हाे ।
मङ्गलबार निर्वाचन आयाेगकाे कार्यालयमा बसेकाे बैठकमा चारवटै सुरक्षा निकायका प्रमुखहरुले शान्ति सुरक्षाकाे स्थितिबारे ब्रिफिङ गरेकाे आयोगका प्रवक्ता नारायणप्रसाद भट्टराईले जानकारी दिए ।
उनका अनुसार सुरक्षा निकायका प्रमुखहरुले मतदाताले निर्भयपूर्वक मतदान गर्नका लागि अनुकूल वातावरण रहेको बताएका थिए ।
देशकाे केही स्थानमा स्थानीय प्रशासनको क्रियाशीलताले कुनै अप्रिय घटना हुन नपाएको र सबैतिरको माहोल निर्वाचनमय हुँदै गएको भट्टराईले बताए ।
उनले मतदानका लागि सहज रुपमा घर जान र फर्कनका लागि आयोगले तीन दिन सार्वजनिक बिदा दिन सरकारलाई सिफारिस गरेको र यसबाट मतदानमा सक्रियतापूर्वक सहभागिता हुने विश्वास गरे ।
