काठमाडौं । नेकपा बहुमतका महासचिव धमेन्द्र बास्तोलालाई रिहा गर्न आदेश भएकाे छ ।

बिहीबार सर्वाेच्च अदालतका न्यायाधीशहरु कुमार रेग्मी र नित्यानन्द पाण्डेयको इजलासले बन्दीप्रत्यक्षीकरणको निवेदनमा सुनुवाई गर्दै रिहा गर्न आदेश दिएकाे हाे ।

उनलाई प्रहरीले यही २१ फागुनकाे निर्वाचन बिथाेल्न सक्ने भन्दै पक्राउ गरेकाे थियाे । बास्ताेलाकाे दल नेकपा बहुमतले निर्वाचन बहिष्कार गरेकाे छ ।

हालै लुम्बिनी पुगेर प्रधानमन्त्री सुशीला कार्कीले नेकपा बहुमतसहितलाई लक्षित गर्दै साना दलहरु जनमत प्राप्त गरी प्रतिनिधिसभामा प्रतिनिधित्त्व गर्न नसक्ने हैसियतमा रहेकाे र दललाई जीवित राख्न निर्वाचन बहिष्कारकाे नाममा चन्दा असुलीजस्ता गतिविधि गर्ने गरेकाे आराेप लगाएकी थिइन् ।

उनले त्यसरी चन्दा असुल गर्नेहरुप्रति निर्मम बन्न प्रहरीलाई निर्देशन दिएकी छन् ।