काठमाडौं । डीपी अर्याल नेपालको १०औँ सभामुख बनेका छन् । उनी ‘मध्यम लोकतान्त्रिक’ धारका शक्ति रास्वपाबाट सभामुख बनेका हुन् ।

देशमा संसदीय निर्वाचन भएको ६७ वर्ष भयो । यसबीचमा कांग्रेस, एमाले र माओवादीबाट सभामुख भए । पहिलो सभामुख नेपाली कांग्रेसबाट कृष्णप्रसाद भट्टराई भए ।

२०१५ को अन्तिमतिर भएको प्रतिनिधिसभा निर्वाचनपछि गठित संसदमा उनी सभामुख भएका थिए । संसदीय प्रजातन्त्रको बहालीपछि २०४८ सालमा भएको प्रतिनिधिसिभा निर्वाचनपछि पनि कांग्रेसकै दमननाथ ढुंगाना सभामुख भए ।

उनीपछि २०५१ मा कांग्रेसकै रामचन्द्र पौडेल (हाल राष्ट्रपति) र २०५६ मा कांग्रेसबाटै तारानाथ रानाभाट सभामुख भएका थिए ।

२०६३ को पुनःस्थापित प्रतिनिधिसभामा नेकपा एमालेका सुवासचन्द्र नेम्बाङ भए । २०६४ को संविधानसभा र २०७० को संविधानसभामा पनि नेम्बाङ नै सभामुख भए ।

२०७२ मा संविधान बनेपछिको रुपान्तरित व्यवस्थापिका संसदमा माओवादीकी ओनसरी घर्ती मगर सभामुख भइन् ।

२०७४ को प्रतिनिधिसभामा माओवादीकै कृष्णबहादुर महरा र उनी यौन दुव्र्यहारकाण्डमा परेपछि माओवादीकै अग्निप्रसाद सापकोटा र २०७९ को प्रतिनिधिसभामा एमालेका देवराज घिमिरे सभामुख भए ।

यसपटक भने रास्वपाले दुई तिहाइ नजिकको बहुमत प्राप्त गर्दा सोही दलका सांसद डीपी अर्याल निर्विरोध सभामुख भए ।

हेर्नुहोस् तस्बिरहरू