काठमाडौं । नेपाल क्रिकेट संघ (क्यान)को कार्यसमिति बैठकले नेपाल प्रिमियर लिग (एनपीएल) को दोस्रो संस्करणको आम्दानी र खर्च विवरण पारित गरेको छ।

बैठकमा क्यानअन्तर्गतको नेपाल प्रिमियर लिग परिचालन परिषद् (गभर्निङ काउन्सिल)ले पेश गरेको विवरणअनुसार एनपीएल २ बाट कुल ४७ करोड ३६ लाख रुपैयाँभन्दा बढी आम्दानी भएको छ।

प्रतियोगिता सञ्चालनका क्रममा २१ करोड ९६ लाख ५ हजार १ सय २१ रुपैयाँ खर्च भएको देखिएको छ। यसअनुसार खर्च कटाएर क्यानले करिब २५ करोड ४० लाख रुपैयाँ आम्दानी गरेको छ।

उक्त आम्दानीमध्ये ५० प्रतिशत रकम ८ वटा फ्रेन्चाइज टोलीहरूलाई वितरण गरिएको छ, जुन करिब १६ करोड १८ लाख रुपैयाँभन्दा बढी हुन्छ।

सबै बाँडफाँडपछि क्यानलाई ९ करोड २१ लाख २१ हजार ९ सय ३५ रुपैयाँ बचत भएको विवरणमा उल्लेख गरिएको छ।