काठमाडौं। नेकपा एमालेकी सांसद टुकाभद्रा हमालले सरकारले प्रत्यक्ष निर्वाचित र समानुपातिक प्रणालीबाट निर्वाचित सांसदबीच विभेद गरेको भन्दै आपत्ति जनाएकी छन्। प्रतिनिधिसभाको बुधबारको बैठकमा शून्य समयमा बोल्दै उनले प्रधानमन्त्री बालेन्द्र शाहले विकास निर्माणका विषयमा प्रत्यक्ष निर्वाचित सांसदसँग मात्रै छलफल गरेर विभेद गरेको आरोप लगाएकी हुन् ।

उनले भनिन्, ‘प्रत्यक्ष निर्वाचित सांसदहरूलाई भेटेर विकास निर्माणको कुरा राख्ने अवसर दिनुभएको सुन्नमा आएको छ। तर समानुपातिकतर्फबाट आएकाहरूलाई त्यो अवसरबाट किन वञ्चित गरियो ?’

उनले सांसद हमालले सबै सांसदलाई समान रूपमा व्यवहार गर्न सरकारसँग माग गरिन्।

त्यस्तै,उनले एमाले अध्यक्ष तथा पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई गैरकानुनी रूपमा थुनामा राखिएको भन्दै रिहाइको मागसमेत गरिन्।