काठमाडौं। नेपालमा विद्युतीय सवारीसाधनप्रति बढ्दो आकर्षणलाई लक्षित गर्दै टाटा मोटर्स का लागि नेपालको आधिकारिक वितरक सिप्रदी ट्रेडिङ ले विशेष एक्सचेन्ज योजना सार्वजनिक गरेको छ।

कम्पनीले ‘स्विच टु टियागो ईभी’ नामक अभियानअन्तर्गत ग्राहकहरूले आफ्नो पुरानो बाइक वा स्कुटर साटेर नयाँ टाटा टियागो ईभी लिन सक्ने जनाएको हो ।

यो अभियान अप्रिल १७ देखि २०, २०२६ सम्म देशभर सञ्चालन हुनेछ। जुनसुकै ब्रान्डका दुईपाङ्ग्रे सवारी साटेर ग्राहकहरूले टियागो ईभी खरिद गर्न सक्ने व्यवस्था गरिएको छ।

कम्पनीका अनुसार यो योजनाअन्तर्गत ४ लाख ९९ हजार रुपैयाँ डाउनपेमेन्टमा टियागो ईभी लिन सकिनेछ। साथै पुरानो सवारीको उचित मूल्यांकन, नगद छुट, निःशुल्क एक्सेसरिज र एक वर्षको सवारी कर छुट जस्ता सुविधा उपलब्ध हुनेछन्।

त्यस्तै, सिप्रदी नेटवर्कमार्फत आजीवन निःशुल्क डीसी फास्ट चार्जिङ र निःशुल्क होम चार्जिङ इन्स्टलेसन सुविधा पनि दिइनेछ। लक्की ड्रमार्फत एक जना ग्राहकले आइफोन-१७ प्रो म्याक्स जित्ने अवसर समेत पाउने कम्पनीले जनाएको छ।

कम्पनीले यो योजना सुरक्षित, आरामदायी र आधुनिक प्रविधियुक्त विद्युतीय कार प्रयोग गर्न चाहने ग्राहकका लागि उपयोगी हुने विश्वास व्यक्त गरेको छ।