काठमाडौं। साताको अन्तिम कारोबार दिन शुक्रबार नेप्से (नेपाल स्टक एक्सचेन्ज) झिनो अंकले बढेको छ।

बजार ५.३६ अंकले बढेर नेप्से परिसूचक २८८३.४० विन्दुमा बन्द भएको छ।

कारोबार रकमका आधारमा भने बजार घटेको छ। बिहीबार ९ अर्ब ३१ करोड रुपैयाँको कारोबार भएकोमा आज ७ अर्ब ४६ करोड रुपैयाँमा सीमित भएको नेप्सेले जनाएको छ।

समूहगत सूचकतर्फ होटल तथा पर्यटन, जलविद्युत्, उत्पादन तथा प्रशोधन, अन्य र व्यापार समूहको सूचक बढेको छ भने बाँकी समूह घटेका छन्।

उत्पादन समूह सबैभन्दा धेरै १६२.१६ अंकले घटेको छ भने निर्जीवन बीमा समूह ५७.८८ अंकले घटेको छ।

आज ३३५ कम्पनीको सेयर कारोबार हुँदा १०८ कम्पनीको मूल्य बढेको, १५० कम्पनीको घटेको र १२ कम्पनीको मूल्य स्थिर रहेको छ।

कारोबार रकम र सेयर संख्याका आधारमा नेसनल हाइड्रोपावर कम्पनी अगाडि रहेको छ, जसको ६६ करोड ८६ लाख रुपैयाँ बराबरको २१ लाखभन्दा बढी कित्ता सेयर किनबेच भएको छ।

यस दिन ६ कम्पनीमा सकारात्मक सर्किट लागेको छ। सूर्यकुण्ड जलविद्युत्, होटल फरेस्ट इन, पाल्पा सिमेन्ट, शिखर पावर डेभलपमेन्ट र रिजलाइन इनर्जीको मूल्य १० प्रतिशतले बढेको छ।