काठमाडौं।  नेकपा एमालेका नेता गोकुल बास्कोटाले राजनीतिक विवादको समाधान अदालतबाट सम्भव नहुने बताएका छन्। उनले विशेषगरी कांग्रेसको आन्तरिक विवादतर्फ संकेत गर्दै राजनीतिक समस्या अदालतको निर्णयले मात्र अन्त्य नहुने दाबी गरेका छन्।

सामाजिक सञ्जालमार्फत प्रतिक्रिया दिँदै बास्कोटाले अन्य किसिमका विवादका लागि न्यायिक निकायमा जानु सामान्य भए पनि राजनीतिक विवादको दीर्घकालीन समाधान अदालतले दिन नसक्ने बताएका हुन् । उनले विगतका उदाहरण उल्लेख गर्दै अदालतको निर्णयपछि पनि राजनीतिक दलहरू पुनः विभाजित भएको टिप्पणी गरेका छन्।

उनका अनुसार राजनीतिक एकता कानुनी व्यवस्थाभन्दा बढी दलभित्रको समझदारी र इच्छाशक्तिमा निर्भर हुन्छ। साथै उनले कांग्रेसको अवस्थाप्रति संकेत गर्दै दलको एकता कति मजबुत छ भन्ने प्रश्नसमेत उठाएका छन्।

उनको स्टाटस: