एजेन्सी। अमेरिका र इरानबीच अस्थायी युद्धविराम भएको छ। पाकिस्तानको इस्लामावादमा भएको लामो वार्ता निष्कर्षविहीन बने पनि अहिले दुवै देशबीच आक्रमण र प्रत्याक्रमण रोकिएको बताइएको छ।

युद्धविरामको समय नजिकिँदै गर्दा अमेरिकी राष्ट्रपति डोनाल्ड ट्रम्पले इरानलाई फेरि कडा चेतावनी दिएका छन्। उनले बुधबारसम्म ठूलो सम्झौता नभए इरानमाथि पुनः बमबारी हुन सक्ने बताएका छन्।

पत्रकारहरूको प्रश्नमा ट्रम्पले युद्धविराम बढाउनेबारे स्पष्ट निर्णय नभएको भन्दै नाकाबन्दी जारी रहने र आवश्यक परे बम आक्रमण पुनः सुरु हुन सक्ने संकेत गरेका छन्।

ट्रम्पले मध्यपूर्वमा इरानसँगको अवस्था सुधार हुँदै गएको दाबी गर्दै दुवै देशबीच स्थायी सम्झौताको अपेक्षा गरिएको पनि बताएका छन्।