काठमाडौं। पछिल्ला तीन दिनदेखि सुन र चाँदीको मूल्य लगातार घट्दै गएको छ।

नेपाल सुनचाँदी व्यवसायी महासंघका अनुसार वैशाख ९ गते छापावाल सुन प्रतितोला रु ३ लाख ५ हजार र चाँदी रु ५ हजार १३० मा कारोबार भएको थियो। वैशाख १० गते सुन रु ६ हजार ३०० ले घटेर रु २ लाख ९८ हजार ७०० र चाँदी रु ११० ले घटेर रु ५ हजार २० कायम भयो।

त्यसैगरी वैशाख ११ गते सुन पुनः रु २ हजार २०० ले घटेर रु २ लाख ९६ हजार ५०० र चाँदी रु ७५ ले घटेर रु ४ हजार ९४५ मा झरेको छ।

यसरी तीन दिनको अवधिमा सुन प्रतितोला कुल रु ८ हजार ५०० र चाँदी रु १८५ ले घटेको देखिएको छ।

अन्तर्राष्ट्रिय बजारमा पनि सुनको मूल्य करिब ४ हजार ७५५ अमेरिकी डलर प्रतिऔँसबाट घटेर ४ हजार ७०५ डलरमा झरेको छ।

विशेषज्ञहरूका अनुसार सुनको मूल्य उच्च बिन्दुमा पुगेपछि लगानीकर्ताले नाफा सुरक्षित गर्न बिक्री बढाउनु, विश्व आर्थिक अनिश्चितता केही घट्नु र सुरक्षित लगानीका रूपमा सुनको मागमा कमी आउनुजस्ता कारणले मूल्यमा दबाब परेको हो।