काठमाडौं । निमुखा जनतामाथि बालेन सरकारले तुजुक देखाएको छ । सनकका भरमा उनले सुकुम्बासीहरूलाई उठिबास लगाएका छन् । उनको यो कदमको चौतर्फी विरोध भएको छ ।

सार्वजनिक जग्गा संरक्षणको नाममा निमुखा सुकुम्बासीलाई व्यवस्थापन भन्दा पनि उठिबास लगाउने उनको कदमलाई हिजो सुकुम्बासी बस्तीमा डोजर चले छाती थाप्छु भनेर झुट बोलेका रास्वपा सभापति रवि लामिछानेले चुपचाप समर्थन गरेका छन् ।

हुकुमबासीलाई हटाउने बहानामा वास्तविक सुकुम्बासीहरू पीडित भएका छन् । यसको विरोध गर्दै हर्क साम्पाङ अध्यक्ष रहेको श्रम संस्कृति पार्टीका सांसद आरेन राई उठिबासमा परेपछि बिल्लिबाठ भएका सुकुम्बासीहरूको न्यायको कित्तामा उभिएका छन् ।

अध्यक्ष साम्पाङले धनी बालेनलाई गरिब सुकुम्बासीको पीडा थाहा नभएको र उनीहरूमाथि बल प्रयोग गरेर हटाउन लागेको भन्दै विरोध गरेका छन् ।

मानव अधिकारवादी संस्था एमनेस्टी इन्टरनेशनल, राष्ट्रिय मानव अधिकार आयोग, नेकपा एमाले, श्रम संस्कृति पार्टीलगायत दलले सुकुम्बासीलाई बलपूर्वक जबर्जस्ती उठिबास लगाएको भन्दै कडा शब्दमा विरोध गरेका छन् ।

नेपालको संविधानमा रहेको आवासको हक हनन् गर्दै प्रधानमन्त्री बालेनले निमुखा सुकुम्बासीमाथि तुजुक देखाएको भन्दै उनीहरूलाई बलपूर्वक हटाउने कार्य अस्वीकार्य हुने चेतावनी दिएको छ ।

बालेन सरकारले शनिबार बिहानैदेखि काठमाडौंको थापाथली, सिनामंगललगायत चार क्षेत्रको सुकुम्बासी बस्तीमा डोजर चलाएर हटाउने भएको छ ।