काठमाडौं । स्थानीय बजारमा सोमबार (वैशाख १४) सुनको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार सुन प्रतितोला एक हजार ३०० रुपैयाँले बढेको हो।

यससँगै छापावाल सुनको मूल्य प्रतितोला तीन लाख ५०० रुपैयाँ पुगेको महासंघले जनाएको छ। आइतबार छापावाल सुन प्रतितोला दुई लाख ९९ हजार २०० रुपैयाँमा कारोबार भएको थियो।

चाँदीको मूल्य पनि वृद्धि भएको छ। चाँदी प्रतितोला ५० रुपैयाँले बढेर पाँच हजार ४५ रुपैयाँमा कारोबार भइरहेको महासंघले जानकारी दिएको छ।