काठमाडौं । दुई दिनमा सुनको मूल्य प्रतितोला ६ हजार रुपैयाँले घटेको छ। अघिल्लो दिन ३ हजार रुपैयाँले ओरालो लागेको सुन आज फेरि अतिरिक्त ३ हजार रुपैयाँले सस्तिएको हो। नेपाल सुनचाँदी व्यवसायी महासंघका अनुसार आजको लागि तोकिएको सुनको मूल्य प्रतितोला २ लाख ९४ हजार ५ सय रुपैयाँ छ।

यसअघि सोमबार सुन प्रतितोला ३ लाख ५ सय रुपैयाँमा कारोबार भएको थियो भने मंगलबार मूल्य झरेर २ लाख ९७ हजार ५ सय रुपैयाँमा पुगेको थियो। गत बुधबार पनि सुनको मूल्य ३ लाख ५ सय रुपैयाँकै आसपास स्थिर रहेको थियो। उल्लेखनीय रुपमा, माघ १५ गते सुनको भाउ हालसम्मकै उच्च ३ लाख ३९ हजार रुपैयाँको रेकर्डमा पुगेको थियो।

आज चाँदीको मूल्य पनि घटेको छ। अघिल्लो दिनको तुलनामा प्रतितोला ३० रुपैयाँले मूल्य घटेर आज चाँदी ४ हजार ९१५ रुपैयाँमा कारोबार भइरहेको छ। हिजो चाँदी प्रतितोला ४ हजार ९४५ रुपैयाँमा थियो, जबकि गत बुधबार प्रतितोला ५ हजार १३० रुपैयाँमा कारोबार भएको थियो।