काठमाडौँ। बैंकिङ प्रणालीमा अत्यधिक तरलता जम्मा भएपछि नेपाल राष्ट्र बैंकले पुनः निक्षेप संकलन उपकरण प्रयोग गर्दै बजारबाट पैसा निकाल्ने निर्णय गरेको छ। केन्द्रीय बैंकले वैशाख १७ गते १२० अर्ब रुपैयाँ बराबरको तरलता तान्ने तयारी गरेको हो। यसका लागि दिउँसो ३ बजे बोलकबोल प्रक्रिया सञ्चालन हुनेछ।

निक्षेप दिन इच्छुक बैंक तथा वित्तीय संस्थाहरूले न्यूनतम १० करोड रुपैयाँदेखि, अधिकतम सीमा नाघ्ने गरी ५ करोड रुपैयाँका गुणकमा बोलकबोल पेस गर्न सक्नेछन्। यो प्रक्रिया ब्याजदरका आधारमा हुने छ र चाहेमा बहुब्याजदरका प्रस्ताव पनि पेश गर्न सकिने सुविधा रहनेछ।

निक्षेप संकलनका लागि हुने बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थाहरू मात्र सहभागी हुन पाउने व्यवस्था गरिएको छ।