काठमाडौं। नेपाली कांग्रेसका सभापति गगनकुमार थापाले अब नबोल्ने व्रत तोड्ने बेला आएको बताएका छन्।

शुक्रबार काठमाडौंमा नेपाल ट्रेड युनियन कांग्रेसले आयोजना गरेको कार्यक्रममा उनले भने, ‘नबोलौँ भनेर बसिरहँदा प्रश्न नै मर्ने त हैनन् भन्ने डर लागेको छ। बोल्ने जिम्मेवारी पनि पूरा गर्नुपर्ने भयो।’

निर्वाचनले दिएको सरकार चलाउने ‘म्यान्डेट’ राष्ट्रिय स्वतन्त्र पार्टी (रास्वपा)ले ठीक ढंगले पूरा गरोस् भन्ने आफू रहेको उनले उल्लेख गरे।

कांग्रेसले पाएको प्रतिपक्षको भूमिकामा पनि म्यान्डेटअनुसार काम गर्नुपर्नेमा उनले जोड दिए। उनले सरकारलाई चेतावनी दिँदै भने, ‘हामी नम्र छौँ, तर कमजोर छैनौँ। हामी दृढ र सहयोगी पनि छौँ।’