काठमाडौं। जिल्ला अदालत सर्लाहीले रामबहादुर बम्जनलाई सम्पत्ति शुद्धीकरण सम्बन्धी मुद्दामा सफाइ दिएको छ। रामबहादुर बम्जन लाई जिल्ला अदालत सर्लाहीका न्यायाधीश महेन्द्रराज काफ्लेको इजलासले वैशाख ८ गते सफाइ दिने फैसला गरेको हो।

उनीमाथि ८ करोड ५९ लाख रुपैयाँ बिगो मागदाबी गरिएको थियो। अदालतको फैसलापछि उनी सर्लाही कारागारबाट रिहा भइसकेको प्रहरीले जनाएको छ।

बम्जनलाई यसअघि सम्पत्ति शुद्धीकरणको आरोपमा पुर्पक्षका लागि थुनामा पठाइएको थियो। पछि नेपाल प्रहरीको केन्द्रीय अनुसन्धान ब्युरो (सीआईबी) ले २०८० पुस २४ गते उनलाई पक्राउ गरेको थियो।

पक्राउका क्रममा विभिन्न १७ देशका करिब ३० लाख ९२ हजार रुपैयाँ बराबरका विदेशी मुद्रा र करिब ३ करोड ३४ लाख रुपैयाँ नेपाली नगद बरामद गरिएको प्रहरीको दाबी छ।

यसैबीच, चर्चित गायक राजेश पायल राईले सामाजिक सञ्जालमा प्रतिक्रिया दिँदै बम्जनलाई झुटा मुद्दामा फसाइएको भन्दै टिप्पणी गरेका थिए। यद्यपि यो विषय विवादास्पद बनेको छ।

उता, बम्जनविरुद्ध रहेको बाल यौन दुरुपयोगसम्बन्धी अर्को मुद्दा भने सर्वोच्च अदालतमा अझै विचाराधीन रहेको जनाइएको छ।