काठमाडौं। साताको तेस्रो कारोबार दिन मंगलबार देशभर सुनको मूल्यमा गिरावट आएको छ।

नेपाल सुनचाँदी व्यवसायी महासंघका अनुसार आज छापावाल सुन तोलामा ३ हजार ८ सय रुपैयाँले सस्तो हुँदै २ लाख ९१ हजार रुपैयाँमा कारोबार भइरहेको छ।

सोमबार भने छापावाल सुनको मूल्य २ लाख ९४ हजार ८ सय रुपैयाँ थियो।

यस्तै, चाँदीको मूल्य पनि आज ओरालो लागेको छ। चाँदी तोलामा १५० रुपैयाँले घटेर ४ हजार ८ सय ८० रुपैयाँमा कारोबार भइरहेको महासंघले जनाएको छ।