काठमाडौँ ।  बलिउड अभिनेत्री जाह्नवी कपूर र शिखर पहाडियाको विवाहबारे केही समयदेखि फैलिरहेका हल्लाहरू अन्ततः गलत ठहरिएका छन्। 

जाह्नवीका बुवा तथा फिल्म निर्माता बोनी कपूरले यो वर्षको अन्त्यतिर गुजरातको जामनगरमा विवाह हुने भन्ने खबर आधिकारिक रूपमा असत्य भएको स्पष्ट पारेका छन्।

केही भारतीय मिडिया रिपोर्टहरूमा सेप्टेम्बर-अक्टोबर बीच विवाह हुने अनुमान गरिएको थियो। तर ई-टाइम्ससँगको कुराकानीमा बोनी कपूरले ती सबै दाबीहरूलाई पूर्ण रूपमा खारेज गरेका छन्।

शिखर पहाडिया कपूर परिवारका नजिकका साथी मानिन्छन्। उनीहरूलाई पारिवारिक कार्यक्रम, बिदा बिदाने तथा मन्दिर भ्रमणमा प्रायः सँगै देखिने गरिन्छ। साथै, जाह्नवीले ‘कफी विद करण’ कार्यक्रममा पनि आफू रिलेशनशिपमा रहेको अप्रत्यक्ष संकेत दिएकी थिइन्।

जाह्नवी र शिखरको सम्बन्ध लामो समयदेखिको हो। सन् २०१६ तिर केही समय डेट गरे पनि उनीहरू छुट्टिएका थिए। तर पछिल्ला वर्षहरूमा दुवै फेरि सँगै देखिन थालेका छन्।