काठमाडौं । बैंकिङ प्रणालीमा तरलता अत्यधिक बढेपछि नेपाल राष्ट्र बैंकले निरन्तर रुपमा नगद तान्ने प्रक्रिया जारी राखेको छ। निक्षेप संकलन उपकरणको प्रयोगमार्फत केन्द्रीय बैंकले बजारबाट पैसा सोस्ने कार्य तीव्र बनाएको हो। यही क्रममा आज वैशाख २३ गते पनि राष्ट्र बैंकले निक्षेप संकलनमार्फत २० अर्ब रुपैयाँ बैंकिङ प्रणालीबाट खिच्ने घोषणा गरेको छ।

निरन्तर बढ्दो निक्षेपका कारण राष्ट्र बैंकले नियमित रूपमा नगद प्रशोचन गरिरहेको छ। इच्छुक बैंक तथा वित्तीय संस्थाले आज दिउँसो ३ बजेसम्म अनलाइनमार्फत आवेदन दिन सक्ने व्यवस्था छ।

निक्षेप दिन चाहने बैंक तथा वित्तीय संस्थाले न्यूनतम १० करोड रुपैयाँदेखि सुरु गरी अधिकतम ५ करोड रुपैयाँले भाग गर्दा निःशेष भाग जाने गरी कुल आह्वान रकमभित्र बोलकबोल गर्न पाउनेछन्। बोलकबोल ब्याजदरमा गर्नुपर्नेछ भने बहुब्याजदर प्रणालीमा पनि बहुबोलकबोल गर्न सकिने राहतो व्यवस्था रहेको राष्ट्र बैंकले जनाएको छ।

‘क’, ‘ख’ र ‘ग’ वर्गका बैंक तथा वित्तीय संस्थामात्र निक्षेप संकलनको बोलकबोल प्रक्रियामा सहभागी हुन योग्य छन्। ४४ दिनका लागि जारी गरिएको यो निक्षेप संकलन उपकरणको साँवा तथा ब्याज भुक्तानी आगामी असार ५ गते हुने राष्ट्र बैंकले जानकारी दिएको छ।