काठमाडौं। सुपरहिट एक्सन फिल्म १२ गाउँ को सिक्वेल १२ गाउँ २ को छायांकन औपचारिक रूपमा सुरू गरिएको छ। निर्देशक विराज भट्टको निर्देशनमा बन्न लागेको फिल्मको बुधबार काठमाडौँमा शुभमुहूर्तसँगै छायांकन सुरु गरिएको हो।

फिल्ममा निर्देशक भट्टसँगै समीर भट्ट, अनुपविक्रम शाही, काफिया शाही, वर्षा इटानी, खुशी कार्की, प्रकाश शाह, सुनिल पोखरेल, कनिज कोइराला, कालु राना, पुष्कर भट्ट, शिवकुमार सिंह, साहित सिंह ठकुरी र पूर्णबहादुर गन्धर्वलगायत कलाकारहरूको अभिनय रहनेछ।

निर्माण पक्षका अनुसार सुरुवातमा फिल्मको गीत खिचिनेछ। फिल्मको छायांकन काठमाडौँसँगै सिन्धुपाल्चोक र चितवनलगायत विभिन्न स्थानमा गरिनेछ।

फिल्मलाई दसैंको फूलपातीको अवसरमा प्रदर्शन गर्ने तयारी गरिएको छ। प्राविधिक पक्षमा डीओपीको रूपमा महेश पौडेल रहनेछन् भने कथा तथा पटकथा सन्तोष सरकारले तयार पारेका हुन्।

द्वन्द्व निर्देशन स्टन्ट सिल्भा र शंकर महर्जनले गर्नेछन्। ब्याकग्राउन्ड म्युजिक कालाचरण र गीता गुरप्पाले तयार पार्नेछन् भने संगीतमा युग भुसाल, देबेन्द्र बराल र डीपी खनाल रहनेछन्।

गीतमा सुगम पोखरेल, समीक्षा अधिकारी, प्रेरणा सिंह, किरण भुजेल र निशान भट्टराईको स्वर रहनेछ। निर्माण व्यवस्थापन भोला सुबेदी (आरजे प्रणव) र रमेश खड्काले सम्हाल्नेछन् भने नृत्य निर्देशन सियोन श्रेष्ठले गर्नेछन्।

फिल्मको वितरण उपत्यकामा काफिया फिल्म्स प्रालि र उपत्यका बाहिर कुबेर फिल्म्सले गर्नेछन्।