काठमाडौं। नेपाली फिल्म छ माया छपक्कै २ को छायाङ्कन सुरु भएको छ। निर्माण युनिटका अनुसार फिल्मको छायाङ्कन बुधवार गागलफेदीबाट सुरु गरिएको हो।

सन् २०१९ मा प्रदर्शन भएको सफल फिल्म छ माया छपक्कै को सिक्वेलका रूपमा निर्माण हुन लागेको यस फिल्मको निर्देशन दीपेन्द्र लामा ले गर्नेछन्।

सामाजिक-राजनीतिक कथावस्तुमा आधारित फिल्मको छायाङ्कन करिब ५० दिनको सेडुलमा सम्पन्न गरिने जनाइएको छ। फिल्ममा केकी अधिकारी, दीपकराज गिरी र सनिशा भट्टराई को मुख्य भूमिका रहनेछ।

फिल्मका निर्माता रोहित अधिकारी हुन्। रोहित अधिकारी फिल्मस र आमा सरस्वती मूभिजको ब्यानरमा निर्माण भइरहेको फिल्मको प्रस्तुतकर्ता आइएमई ग्रुप रहेको छ।

निर्माण पक्षका अनुसार फिल्मलाई आउँदो दसैँको अवसर पारेर प्रदर्शनमा ल्याइने तयारी गरिएको छ।