काठमाडौं। काठमाडौंको दरबारमार्ग क्षेत्रबाट गैँडाको खागसहित तीन जना व्यक्ति पक्राउ परेका छन्।

प्रहरी वृत्त दरबारमार्गको टोलीले एक रेस्टुरेन्टमा बसेर गैँडाको खागको अवैध कारोबार गर्न लागेको अवस्थामा उनीहरूलाई पक्राउ गरेको हो।

पक्राउ पर्नेमा काठमाडौं महानगरपालिका–२४, न्यूरोड बस्ने ५० वर्षीय सञ्जयमानसिंह श्रेष्ठ, तनहुँको ऋषिङ गाउँपालिका-१ घर भई काठमाडौं बाँसबारी बस्ने ४५ वर्षीय रामहरि गिरी र पाल्पाको माथागढी गाउँपालिका–१ घर भई रुपन्देहीको सिद्धार्थनगर–७ बस्ने ६० वर्षीय रामेश्वर पल्थी रहेका छन्।

प्रहरीले उनीहरूको साथबाट गैँडाको खागसमेत बरामद गरी थप अनुसन्धान अघि बढाएको जनाएको छ।