काठमाडौं।नेपाल स्टक एक्सचेञ्ज (नेप्से) परिसूचकमा आज सामान्य सुधार देखिएको छ। परिसूचक ६.९४ अंकले बढेर २ हजार ७१८.१६ बिन्दुमा पुगेको नेप्सेले जनाएको छ।

आज ३३४ कम्पनीका ६६ लाख ८४ हजार ७ कित्ता शेयर ४५ हजार ६५ पटक खरिद–बिक्री हुँदा कुल २ अर्ब ९३ करोड १९ लाख ६८ हजार ८७७ रुपैयाँ बराबरको कारोबार भएको छ।

समूहगत सूचकतर्फ बैंकिङ ०.३३, विकास बैंक ०.२९, होटल तथा पर्यटन ०.२०, जीवन बिमा ०.३०, लघुवित्त ०.३५, व्यापार १.५७ र अन्य समूह ०.८३ प्रतिशतले बढेका छन्। यद्यपि अधिकांश अन्य उपसमूह भने घटेका छन्।

घट्ने समूहमा वित्त ०.०८, लगानी ०.०७, उत्पादन तथा प्रशोधन ०.०८, म्युचुअल फन्ड ०.१६ र निर्जीवन बिमा ०.५६ प्रतिशतले गिरावट आएको छ।

आजको कारोबारमा एनआरएन इन्फ्रास्ट्रक्चर एन्ड डेभलपमेन्ट लिमिटेडको सबैभन्दा बढी १७ करोड ६८ लाख ३३ हजार ३६९ रुपैयाँ बराबरको कारोबार भएको छ।