काठमाडौं। प्रतिनिधिसभामा प्रधानमन्त्री बालेन्द्र शाह (बालेन) को राजीनामा माग गर्दै प्रतिपक्षी दलहरूले संसद अवरुद्ध गरेका छन्।

सरकारको नीति तथा कार्यक्रममाथिको छलफलमा प्रधानमन्त्री अनुपस्थित भएपछि विपक्षी दलहरूले प्रधानमन्त्री बालेनको राजीनामा माग गर्दै सदन अवरुद्ध गरेका हुन्।

श्रम संस्कृति पार्टीका अध्यक्ष हर्क साम्पाङले पनि बालेनको राजीनामा माग गरेका छन्।

बुधबारको छलफलमा प्रधानमन्त्री बालेनको तर्फबाट अर्थमन्त्री स्वर्णिम वाग्लेले नीति तथा कार्यक्रममाथि छलफल गरियोस् भन्ने प्रस्ताव पेस गर्न सभामुख डीपी अर्यालले अनुमति दिएका थिए।

अनुमति दिइएसँगै संसदका सबै विपक्षी दलहरू उठेर विरोध जनाएका थिए।