काठमाडौं। त्रिभुवन अन्तर्राष्ट्रिय विमानस्थलबाट ३७ वटा राहदानी (पासपोर्ट)सहित एक जना पक्राउ परेका छन् ।

पक्राउ पर्नेमा सिरहाका अजित श्रेष्ठ रहेका छन् । उनलाई विमानस्थल सुरक्षा कार्यालयबाट खटिएको टोलीले मंगलवार  दिउँसो पक्राउ गरेको हो ।

विमानस्थल सुरक्षा कार्यालयका अनुसार उनी नेपाल एयरलाइन्सको उडानमार्फत भारतको दिल्ली जान लागेका थिए ।

थप अनुसन्धानका लागि उनलाई काठमाडौं उपत्यका अपराध अनुसन्धान कार्यालय टेकु पठाइएको छ ।