काठमाडौं । ‘हाम्रो भूमि, हाम्रो पहिचान: आदिवासी महिला एकताको अभियान’ नाराका साथ राष्ट्रिय आदिवासी जनजाति महिला महासंघले राजधानीमा खबरदारी कार्यक्रम गरेको छ।

महासंघले माइतीघर मण्डलामा ध्यानाकर्षण तथा खबरदारी कार्यक्रम आयोजना गर्दै आदिवासी जनजाति महिलाको अधिकार, भूमि तथा पहिचानसँग सम्बन्धित मुद्दामा सरकारको ध्यानाकर्षण गराएको हो।

कार्यक्रममा सहभागीहरूले आदिवासी समुदायका परम्परागत भूमि अधिकारको संरक्षण, महिलाको समान सहभागिता, तथा सांस्कृतिक पहिचानको सम्मान सुनिश्चित गर्न माग गरेका थिए।

महासंघले राज्यले आदिवासी जनजाति महिलाका मुद्दालाई नीति तथा व्यवहार दुवै तहमा सम्बोधन गर्न ढिलाइ गरिरहेको भन्दै तत्काल प्रभावकारी कदम चाल्न आग्रह गरेको छ।