डोल्पामा बाढीका कारण एक महिलाको मृत्यु भएको छ । गएराति जगदुल्ला गाउँपालिका–५ गैरीगाउँमा लेदोसहित बाढी आउँदा एक महिलाको मृत्यु भएको छ भने ६ जना घाइते भएका छन् ।

लगातारको वर्षापछि धुलाखोला र आसपासका खोल्साबाट आएको हिलो माटो र ढुङ्गासहितको बाढी गाउँमा पसेको प्रहरीले जनाएको छ ।

बाढीमा घाइते भएकी स्थानीय ५६ वर्षीया आनन्दी विकलाई उद्धार गरी स्वास्थ्य चौकीतर्फ लैजाँदै गर्दा मृत्यु भएको हो भने घाइतेलाई उपचारको लागि लगिएको प्रहरीले जनाएको छ ।