काठमाडौं । राष्ट्रिय स्वतन्त्र पार्टी (रास्वपा) की सांसद समिना मिँयाले सुनसरी घटनालाई राजनीतिक स्वार्थ पूरा गर्ने माध्यम नबनाउन विपक्षी दललाई चेतावनी दिएकी छन्।

बिहीबार प्रतिनिधिसभा बैठकमा बोल्दै सांसद मिँयाले लामो समयदेखि सद्भावका साथ बस्दै आएका दुई समुदायबीच विभाजन सिर्जना गरेर घटनाको राजनीतिकरण गर्न खोजिएको आरोप लगाइन्।

उनले सुनसरी घटनाप्रति सबै राजनीतिक दलको साझा धारणा बनाउन तथा सामाजिक सद्भाव कायम राख्ने उद्देश्यले रास्वपा सभापति रवि लामिछानेले सर्वदलीय बैठक आह्वान गरेको उल्लेख गर्दै त्यसमा सहभागी सबै पक्षलाई धन्यवाद पनि व्यक्त गरिन्।

सांसद मिँयाले संवेदनशील घटनालाई राजनीतिक लाभका लागि प्रयोग गर्नु उचित नहुने भन्दै शान्ति, सद्भाव र राष्ट्रिय एकतालाई प्राथमिकता दिन सबै पक्षसँग आग्रह गरिन्।