पोखरा। साउनको तेस्रो सोमबार पर्यटकीय राजधानी पोखरामा बोलबम यात्रा निकालिएको छ। बिहानैदेखि गाइघाट क्षेत्रमा भेला भएका भक्तजन सेती नदीको पवित्र जल लिएर केदारेश्वर मन्दिरतर्फ पैदल यात्रामा निस्किएका हुन्।

गाइघाटबाट जल लिएर भक्तजन करिब ८ किलोमिटर दूरी पार गर्दै पोखराको केदारेश्वर मन्दिर पुग्छन्। त्यहाँ पुगेर उनीहरूले संकलन गरेको जल भगवान् शिवलाई अर्पण गर्ने धार्मिक परम्परा छ।

बोलबम यात्रामा सहभागी अधिकांश भक्तजन खालीखुट्टा यात्रा गर्दै मन्दिर पुगेका थिए। यात्राका क्रममा उनीहरूले भगवान् शिवको जयजयकार गर्दै धार्मिक उत्साहका साथ यात्रा पूरा गरेका थिए।

पोखराका स्थानीयसँगै तराईका विभिन्न जिल्लाबाट आएका तथा रोजगारीका सिलसिलामा पोखरामा बस्दै आएका भारतीय नागरिकसमेत बोलबम यात्रामा सहभागी भएका छन्।

साउन महिनाका सोमबार भगवान् शिवको पूजा–आराधना गर्ने परम्पराअनुसार पोखरामा हरेक वर्ष बोलबम यात्रा आयोजना हुँदै आएको छ।

तस्बिर : अर्जुन गाहा/नेपाल फोटो लाइब्रेरी