काठमाडौं। रुस र युक्रेनबीच पछिल्लो समय भएका आक्रमण तथा प्रत्याक्रमणमा दुवैतर्फ गरी कम्तीमा २७ जनाको मृत्यु भएको छ।

रुसको मस्को क्षेत्रमा मंगलबार भएको युक्रेनी ड्रोन आक्रमणमा कम्तीमा पाँच जनाको मृत्यु भएको रुसी समाचार संस्था तासले जनाएको छ। घटनामा थप ६ जना घाइते भएका छन्।

ड्रोन आक्रमणपछि खसेका भग्नावशेषका कारण रुसको क्रास्नोडार क्षेत्रमा समेत क्षति पुगेको जनाइएको छ।

यता, युक्रेनको दिनिप्रोपेत्रोभ्स्क क्षेत्रमा रुसले गरेको आक्रमणमा पेट्रोल स्टेसनमा तीन जनाको मृत्यु भएको छ। उक्त क्षेत्रका गभर्नर ओलेक्सान्द्र हन्जाका अनुसार घटनामा २१ जना घाइते भएका छन्। घाइतेमध्ये नौ जनाको अवस्था गम्भीर रहेको बताइएको छ।

यसैगरी जापोरिझ्झिया क्षेत्रमा भएको अर्को रुसी आक्रमणमा आठ जनाको मृत्यु भएको जनाइएको छ।

पछिल्ला घटनासँगै रुस र युक्रेनबीच जारी युद्धमा दुवै पक्षबाट हवाई आक्रमण र प्रत्याक्रमणको क्रम थप तीव्र बनेको देखिएको छ।