काठमाडौं । राष्ट्रिय स्वतन्त्र पार्टी (रास्वपा) को केन्द्रीय समितिको बैठक आगामी भदौ ५ गते (शुक्रबार) बस्ने भएको छ । पार्टी सभापति रवि लामिछानेको निर्देशनअनुसार बैठक बिहान ११ बजे वनस्थलीस्थित घन्टी घरमा बस्न लागेको हो ।

रास्वपाका महामन्त्री विपिन कुमार आचार्यका अनुसार बैठकमा स्थानीय निर्वाचनका लागि उम्मेदवार छनोट, पार्टीको संगठनात्मक व्यवस्थापन तथा विभिन्न पदमा मनोनयनलगायत विषयमा छलफल हुने जनाइएको छ ।

बैठकको कार्यसूचीअनुसार स्थानीय निर्वाचनका लागि ‘उम्मेदवार छनोट रूपरेखा २०८३’ अनुमोदन गर्ने तथा राइट टु रिकलसम्बन्धी दस्तावेज निर्माण गर्ने विषयमा छलफल हुनेछ ।