काठमाडौं । प्रतिनिधिसभाको बैठकमा गृहमन्त्री सुधन गुरुङले भोटेकोशी बाढीपछिको अवस्था र सरकारले अघि बढाएका खोज, उद्धार तथा राहतका कामबारे जानकारी गराउने भएका छन् ।

केही बेरमा बस्ने बैठकमा बाढी प्रभावित क्षेत्रमा सरकारले गरिरहेको उद्धार, राहत तथा खोजी कार्यबारे गृहमन्त्रीले संसद्लाई जानकारी दिने संसद् सचिवालयले जनाएको छ ।

भोटेकोशीमा आएको बाढीले रसुवा, नुवाकोट, धादिङ, चितवनलगायतका जिल्लामा क्षति पुर्‍याएपछि आजको बैठकको कार्यसूची परिवर्तन गरिएको हो ।

यसअघि तय भएको प्रधानमन्त्री वालेन्द्र शाहसँगको प्रत्यक्ष प्रश्नोत्तर कार्यक्रम भने स्थगित भएको छ ।

आजको बैठकमा गृहमन्त्रीको जानकारीपछि आकस्मिक समय राख्ने र यसअघि तय गरिएका अन्य कार्यसूची हटाउने तयारी गरिएको संसद् सचिवालयले जनाएको छ ।