पोखरा । भोटेकोसी बाढीमा ज्यान गुमाएकाहरूको सम्झनामा पोखरा महानगरपालिका–१६ सिसाघारीमा स्वस्ति वाचनसहित दीप प्रज्वलन गरिएको छ ।

१३औँ पुण्यतिथिको अवसरमा दिवंगतहरूको आत्माको चिरशान्तिको कामना गर्दै धार्मिक विधिअनुसार स्वस्ति वाचन र दीप प्रज्वलन गरिएको हो ।

कार्यक्रममा सहभागीहरूले दिवंगतप्रति श्रद्धाञ्जली अर्पण गर्दै शोकमा रहेका परिवारजनप्रति समवेदना व्यक्त गरे । बाढीबाट भएको ठूलो जनधनको क्षतिलाई स्मरण गर्दै सहभागीहरूले विपद्मा ज्यान गुमाएका परिवारलाई राज्य र समाजले निरन्तर साथ दिनुपर्नेमा जोड दिए ।

आयोजकका अनुसार दीप प्रज्वलनमार्फत बाढीमा ज्यान गुमाएकाहरूको सम्झनामा श्रद्धा र सम्मान व्यक्त गरिएको हो ।

तस्बिर : नेपाल फोटो लाइब्रेरी