रसुवा । भोटेकोशी बाढीपछि पुरिएको चिलिमे हाइड्रोपावरमा खोजीका क्रममा एक शव फेला परेको छ। थप तीन शव निकाल्ने प्रयास भइरहेको छ।

नेपाली सेना र सशस्त्र प्रहरीको टोलीले जारी राखेको खोज तथा उद्धार अभियानका क्रममा पुरिएको संरचनाभित्र शव फेला परेको हो।

सशस्त्र प्रहरीका सहायक प्रवक्ता डीएसपी शैलेन्द्र थापाका अनुसार घटनास्थलमा अझै मानिसहरू पुरिएको हुनसक्ने आशंका छ।

उनले त्यहाँ थप जीवित वा मृत व्यक्ति फेला पर्न सक्ने सम्भावना रहेकाले खोजी तथा उद्धार कार्यलाई निरन्तरता दिइएको बताए।

बाढीपछि चिलिमे क्षेत्रमा ठूलो क्षति पुगेको थियो। उद्धार टोलीले पुरिएका संरचना र आसपासका क्षेत्रमा सम्भावित जीवित तथा मृतकको खोजी गरिरहेको छ।