काठमाडौं । नेपाली कांग्रेसको १५औँ महाधिवेशनका लागि युवा नेता यामबहादुर ढुंगाना महाधिवेशन प्रतिनिधि पदको उम्मेदवार बनेका छन् ।

दुई दशकदेखि कांग्रेसको राजनीतिमा सक्रिय ढुंगाना पाँचथरको तुम्बेवा गाउँपालिका–१ आङ्नाका हुन् ।  खुला तर्फ उम्मेदवार बनेका ढुंगानाको उम्मेदवारी क्रम संख्या १४ हो । कांग्रेसको पार्टी पंक्तिमा चिरपरिचित ढुंगाना पार्टीको निष्ठा र विचारमा अविचलित नेताका रूपमा परिचित छन् । लामो समयदेखि पार्टी संगठनमा सक्रिय उनी पाँचथरका युवा नेताहरूमध्ये प्रभावशाली मानिन्छन् ।

ढुंगाना प्रमुख प्रतिपक्षी तथा नेपाली कांग्रेस संसदीय दलका नेता भीष्मराज आङ्देम्बेका स्वकीय सचिवसमेत हुन् ।

पार्टी संगठनमा निरन्तर सक्रिय रहँदै आएका ढुंगानाले महाधिवेशन प्रतिनिधिका रूपमा युवाको आवाज र संगठनका मुद्दालाई प्राथमिकताका साथ उठाउने बताएका छन् ।