काठमाडाैं। राष्ट्रिय प्रजातन्त्र पार्टीका अध्यक्ष राजेन्द्र लिङ्देनविरुद्ध बागमती प्रदेशका ७ जना सांसदले गाली बेइज्जतीसम्बन्धी मुद्दा दायर गरेका छन्।

सांसदहरूले सोमबार काठमाडौं जिल्ला अदालतमा लिङ्देनविरुद्ध फिरादपत्र दर्ता गराएका हुन्।

काठमाडौंमा आयोजित एक सार्वजनिक कार्यक्रममा अध्यक्ष लिङ्देनले सांसदहरूको खरिदबिक्री भएको तथा आफूहरूलाई ‘भेडाबाख्रा जस्तै बिकेको’ आशयको अभिव्यक्ति दिएको सांसदहरूको आरोप छ।

आफूमाथि अपमानजनक तथा प्रतिष्ठामा आँच पुग्ने अभिव्यक्ति दिइएको भन्दै सांसदहरूले कानुनी कारबाहीसँगै क्षतिपूर्तिको माग गरेका छन्।

यससँगै राप्रपाभित्रको विवाद अब सार्वजनिक आरोप-प्रत्यारोप हुँदै अदालतसम्म पुगेको छ।