काठमाडौं । नेपालका लागि भारतीय राजदूत नवीन श्रीवास्तवले प्रधानमन्त्री वालेन्द्र शाह ‘बालेन’सँग विदाइ भेट गरेका छन्।

आफ्नो नेपाल बसाइ पूरा गरेर स्वदेश फर्किन लागेका श्रीवास्तवले मंगलबार बिहान सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेर प्रधानमन्त्री शाहसँग भेट गरेका हुन्।

भेटका क्रममा नेपाल–भारत सम्बन्ध र आपसी सहकार्यका विषयमा छलफल भएको बताइएको छ। श्रीवास्तवले सन् २०२२ जुन २५ देखि नेपालका लागि भारतीय राजदूतका रूपमा जिम्मेवारी सम्हाल्दै आएका थिए।

यसअघि उनले परराष्ट्रमन्त्री शिशिर खनाल र प्रतिनिधिसभाका सभामुख डोलप्रसाद अर्यालसँग पनि विदाइ भेट गरिसकेका छन्।