काठमाडौं । नेपाली कांग्रेसको १५औँ महाधिवेशनबाट सभापतिमा निर्वाचित गगनकुमार थापा शनिबार सानेपास्थित पार्टी केन्द्रीय कार्यालय पुग्दा नेता–कार्यकर्ता र समर्थकले स्वागत गरेका छन्। स्वागत ग्रहण गर्दै थापाले कांग्रेस बदल्ने र नागरिकको विश्वास जित्ने उद्घोष गरे।

सभापतिको कुर्सीमा पुग्दैमा पार्टी परिवर्तन नहुने भन्दै उनले अब भाषणमा होइन, काम र व्यवहारमै परिवर्तन देखाउने प्रतिबद्धता जनाए। पार्टीको नेतृत्व सम्हाल्ने अवसरलाई अधिकारका रूपमा नभई नागरिकप्रतिको जवाफदेहिताका रूपमा लिएको उनको भनाइ थियो।

‘तपाईंहरूले विश्वास गरेर पार्टीको जिम्मेवारी सुम्पिनुभएको छ। यो परिवर्तनका लागि गरिएको विश्वास हो। यो विश्वासलाई अधिकार सम्झन्नँ, जिम्मेवारी सम्झन्छु,’ थापाले भने।