काठमाडौं । आज (सोमबार) देशका विभिन्न स्थानमा मौसम बदली र वर्षा हुने प्रक्षेपण मौसम पूर्वानुमान महाशाखाले गरेको छ । महाशाखाले बिहान ६ बजे २४ घण्टे बुलेटिन जारी गर्दै मौसम पूर्वानुमानबारे जानकारी गराएको छ ।
आज दिउँसो देशका पहाड भेगमा साधारणतया बदली र बाँकी स्थानमा आंशिक बदली रहनेछ । देशका पहाड भूभागका केही स्थान र तराई भू–भागका थोरै स्थानमा मध्यम वर्षाको सम्भावना छ । कोशी प्रदेश र बागमती प्रदेशका पहाड भू–भागका एक–दुई स्थानमा भारी वर्षाको पनि सम्भावना छ ।
आज राति कोशी प्रदेश, मधेस प्रदेश र बागमती प्रदेशका पहाड भेगमा साधारणतया बदली र बाँकी ठाउँमा आंशिक बदली रहनेछ । कोशी प्रदेश, मधेस प्रदेश र बागमती प्रदेशका पहाड भू–भागका केही स्थान र बाँकी पहाड र तराई भू–भागका थोरै स्थानमा मध्यम वर्षाको सम्भावना छ । कोशी प्रदेशका पहाडी र तराई भू–भागका एक–दुई स्थानमा भारी वर्षाको पनि सम्भावना छ ।
