काठमाडौं / नेपाली कांग्रेस निकट युवा संगठन नेपाल तरुण दलले पार्टी केन्द्रीय सदस्य तथा सांसद आरजु राणा देउवाका सामाजिक प्रतिष्ठा, ईज्जत र मानमर्यादामा आँच आउने गरी सामाजिक सञ्चालमा विभिन्न सामग्रीहरु प्रसारण गरिएको भन्दै आपत्ति जनाएका छन् ।

शुक्रवार तरुण दलका अध्यक्ष विद्धान गुरुङले विज्ञप्ति जारी गर्दै कलाकारहरूले कलाकारिताको मर्यादा र गरिमालाई नै आँच पुग्ने गरी सुवास बोहरा भन्ने नामको टिकटक आईडीबाट आरजुको गरिमा र इज्जतमा गम्भीर आँच पुग्ने खालको प्रकाशित सामग्रीप्रति आपत्ति जनाएका हुन ।

आरजुको सामाजिक प्रतिष्ठा, ईज्जत र मानमर्यादामा आँच आउने गरी सामाजिक सञ्चालमा विभिन्न सामाग्री प्रसारण गर्नेलाई तीन दिनभित्र कानुनी कारबाहीमा ल्याउन उनले सरकारसमक्ष माग गरेका छन् ।

तरुण दलको आग्रहलाई बेवास्ता गरी कानूनविपरित कार्यमा संलग्नलाई कारबाही गर्न आलटाल गरे तरुण दल आफैं प्रतिकारमा उत्रने गुरुङले चेतावनी दिए ।