काठमाडौँ / बुधबारदेखि काठमाडौँमा जारी नेकपा माओवादी केन्द्रको केन्द्रीय समिति बैठक आज सकिँदै
छ ।

नेकपा माओवादी केन्द्रको केन्द्रीय समिति बैठकमा आज पार्टी अध्यक्ष पुष्पकमल दाहाल प्रचण्डले प्रस्तुत गरेको मौखिक प्रतिवेदन र उनीलगायत शीर्ष नेताहरूको जीवन शैलीलाई लिएर गम्भीर प्रश्नहरू उठाएका छन् । बैठकमा उठेका प्रश्नको जवाफ आज अध्यक्ष प्रचण्डले दिएपछि बैठक समापन हुने छ ।

आज दिउँसो १ बजेबाट शुरु हुने बैठकमा नेताहरूले धारणा राखेपछि अध्यक्ष प्रचण्डले जवाफ दिने कार्यक्रम तय भएको छ ।
जारी बैठकमा अध्यक्ष प्रचण्डले प्रस्तुत गर्नु भएको वर्तमान परिस्थिति र पार्टीका प्रमुख कार्यभारहरू शीर्षकको राजनीतिक एवं सङ्गठनात्मक प्रस्तावमाथि २ सय भन्दाबढी जना केन्द्रिय सदस्यले बैठकमा धारणा भएको छ ।

बैठकमा सहभागी केन्द्रिय सदस्यहरूले पार्टी रूपान्तरण, आर्थिक सुशासन, भ्रष्टाचार नियन्त्रण, युवा सहभागितालगायतका विषयसँगै पार्टी भित्र उत्तराधिकारी तयार गर्नुपर्ने लगायतका विषय उठाउनु भएको छ ।