इजराइलका रक्षामन्त्रीले सोमबार अधिकारीहरूले रमजानको समयमा उपासनाको स्वतन्त्रताको सम्मान गर्ने बताउनुभएको छ । यद्यपि उहाँले जसले ‘हामीमाथि प्रयास गर्नेछ’ त्यसका लागि ‘तयार’ रहेको बताउनुभएको छ ।

“इजराइल राज्य अल–अक्सा र सबै पवित्र स्थानहरूमा उपासनाको स्वतन्त्रताको सम्मान गर्दछ”, इजराइली क्षेत्रको पूर्वी जेरुसेलममा रहेको इस्लामको तेस्रो सबैभन्दा पवित्र स्थललाई उल्लेख गर्दै रक्षामन्त्री योभ गलान्टले एक भिडियो सन्देशमा भन्नुभयो । उहाँले आफ्नो टेलिग्राम च्यानलमा पोस्ट गरिएको क्लिपमा भन्नुभएको छ, “रमजानको महिना जिहादको महिना हुनसक्छ, हामीमाथि प्रयोग नगर्नुहोस् भनेर सबैलाई भन्छौँ, हामी तयार छौँ, गल्ती नगर्नुहोस् ।

” उहाँका टिप्पणीहरू अल–अक्सा मस्जिद परिसरमा रमजानका क्रममा तनावको चिन्ताहरूबीच आएको हो । अघिल्ला वर्षहरूमा मुस्लिम उपवासको महिनाको बेला उक्त मस्जिद हिंसाको केन्द्र बनेको थियो । उक्त परिसर यहुदी धर्मको सबैभन्दा पवित्र स्थल पनि हो । यसलाई यहुदी टेम्पल माउन्ट भनिन्छ । रमजानको समयमा दसौँ र हजारौँको सङ्ख्यामा मुस्लिमहरूले परिसरमा प्रार्थना गर्छन् ।

शुक्रबार हमास लडाकू समूहको सशस्त्र शाखाका एक प्रवक्ताले ‘हाम्रा मानिस’ लाई सङ्गठित हुन र अल–अक्सातर्फ बढ्न आह्वान गरेका थिए । अक्टोबर ७ मा दक्षिणी इजराइलमा हमासको अभूतपूर्व आक्रमणले गाजामा जारी युद्ध सुरु गर्यो । युद्ध अहिले छ महिनामा पुगेको छ । मध्यस्थकर्ताहरूले रमजान सुरु हुनुअघि नयाँ युद्धविराम सुनिश्चित गर्ने आशा गरेका थिए तर अहिलेसम्म कुनै सफलता प्राप्त भएको छैन ।