काठमाडौं । नेपाली कांग्रेस सांसद राजेन्द्र बजगाईले बाढी पहिरो प्रभावितहरूका लागि सरकारले काम गर्न नसक्ने बताएका छन् ।

आइतबारको प्रतिनिधिसभा बैठकमा सांसद बजगाईले प्रधानमन्त्री पुष्पकमल दाहाल प्रचण्ड दबाबमा रहेकाले सरकारले बाढीपहिरो पीडितहरुको राहत तथा उद्दार सरकारले काम गर्न नसक्ने बताएका हुन् ।

उनले कतै सरकार टिकिहाल्छ कि भनेर प्रधानमन्त्री प्रचण्ड अझै भ्रममा रहेको बताए । उनले भने, ‘द्वन्द्व सम्हालेर आएका प्रधानमन्त्री दबाबमा हुनुहुन्छ। दैविक प्रकोपमा सरकारले त्यति ध्यान दिन सकेको छैन। सक्ने पनि छैन। परिस्थिति पनि अप्ठयारो छ। सरकार कतै टिकिहाल्छ कि भनेर उहाँ ध्यानमा केन्द्रित हुनुहुन्छ ।’