रूसले युक्रेनलाई युद्धभूमिमा पराजित गरेमा त्यसले अन्तर्राष्ट्रिय प्रणालीमा ‘अराजकता’ छाउने चेतावनी फ्रान्सका विदेशमन्त्री ज्याँ नोएल बारोटले शनिबार किएभ भ्रमणका क्रममा बताउनुभएको छ । युक्रेनका राष्ट्रपति भोलोदिमिर जेलेन्स्कीले रूसलाई परास्त गर्न आफ्नो ‘विजय योजना’ सार्वजनिक गरेको केही दिनपछि उहाँको यो भ्रमण भएको हो ।

युक्रेनी समकक्षी एन्ड्री सिबिगासँग कुरा गर्दै ब्यारोटले भन्नुभयो “रूसको विजयले ‘जसको शक्ति उसको भक्ति’ भन्ने कानूनी आधारलाई प्रवेश गराउने र अन्तर्राष्ट्रिय व्यवस्थालाई अराजकतातर्फ धकेल्नेछ।

न्यायपूर्ण र स्थायी शान्तिका लागि किएभका सिद्धान्तहरूको विवरण दिनुभएका जेलेन्स्कीद्वारा उल्लिखित एक फरक प्रस्तावलाई उद्धृत गर्दै बारोटले थप्नुभयो, “हाम्रो आदानप्रदानले राष्ट्रपति जेलेन्स्कीको शान्ति योजनालाई अगाडि बढाउन हामीलाई सक्षम बनाउनुपर्छ।”

युक्रेनी विदेशमन्त्री सिबिगाले युक्रेनी सेनाको प्रशिक्षणलगायत युक्रेनका लागि गरेको सहयोगका लागि पेरिसलाई धन्यवाद दिँदै दुई देशले ‘विशेष साझेदारी’ गरेको बताउनुभयो ।

उहाँले रुसका लागि लडिरहेका उत्तर कोरियाली सैनिकको संलग्नताले ‘थप तनाव बढ्ने ठूलो खतरा’ रहेको र युद्ध ‘हालको सीमाभन्दा बाहिर जाने’ खतरा रहेको बताउनुभयो ।

सियोलको गुप्तचर निकायले शुक्रबार उत्तर कोरियाले युक्रेनमा मस्कोको युद्धलाई समर्थन गर्न ‘ठूलो मात्रामा’ सैनिक पठाउने निर्णय गरेको जनाएको छ भने अमेरिकी राष्ट्रपति जो बाइडन र जर्मनी, फ्रान्स र बेलायतका नेताहरूले शुक्रबार ‘न्यायपूर्ण र स्थायी शान्ति स्थापनाका लागि युक्रेनको प्रयासमा निरन्तर सहयोग जारी राख्ने’ प्रतिबद्धता व्यक्त गरेका छन्।

जेलेन्स्कीले यस महिनाको सुरुमा किएभका प्रमुख सहयोगीहरूसँगको कूटनीतिक भेटघाटका क्रममा पेरिसको भ्रमण गर्नुभएको थियो ।

उहाँले आफ्नो ‘विजय योजना’ को विशिष्ट प्रस्तावमा नेटोमा तत्काल सामेल गराउनेलगायत महत्वाकाङ्क्षी प्रस्तावमा समर्थन प्राप्त गर्न सक्नुभएको छैन । प्रस्तावलाई व्यापक अवास्तविक रूपमा चित्रण गरिएको छ ।

जेलेन्स्कीको खाकाले क्षेत्रीय सहुलियतलाई पनि अस्वीकार गर्दछ । उहाँले सहयोगीहरूलाई रूसी सैन्य स्थलहरूमा उसलाई सहयोग दिइएको लामो दूरीको हतियारको प्रयोगमा प्रतिबन्ध हटाउन आह्वान गरेको छ र युक्रेनी क्षेत्रमा ‘गैर–आणविक रणनीतिक प्रतिरोध प्याकेज’ तैनाथ गर्न सुझाव दिएको छ ।