काठमाडौं । प्रधानमन्त्री केपी शर्मा ओलीले कसैप्रति आग्रह पूर्वाग्रह राख्न नहुने बताएका छन् । डिजिटल मिडिया अलायन्स नेपाल (डिम्यान) आइतबार आयोजना गरेको कार्यक्रममा आग्रह र पूर्वाग्रह सत्यको मार्ग नभएको बताएका हुन् ।

उनले हाल सामाजिक सञ्जालमा देखापरेका विकृतिविरुद्ध लड्न डिम्यानलाई आग्रह गरे । उनले भने, ‘स्थापित भनिएका मिडियाहरुमा एउटा भ्रम के परेको छ भने हामी जे भन्छौँ त्यहीनै सत्य हो, हामीले बङ्याए पनि यो सिधा हो भनेपछि त्यही सिधा हो, यस कुरालाई डिम्यानको संकल्पले तोड्नेछ भन्ने विश्वास लिएको छु ।’