काठमाडौं । राष्ट्रिय प्रजातन्त्र पार्टी (राप्रपा)ले भारत र चीनबीच नेपाली भूमि लिपुलेकलाई व्यापारिक नाकाका रूपमा पुनः प्रयोग गर्ने गरी भएको सहमतिबारे सरकारसँग दुवै मुलुकसँग प्रधानमन्त्रीस्तरीय वार्ता गर्न माग गरेको छ।

प्रतिनिधिसभाको शुक्रबारको बैठकको आकस्मिक समयमा बोल्दै राप्रपाका प्रमुख सचेतक ज्ञानबहादुर शाहीले प्रधानमन्त्री केपी शर्मा ओलीलाई भारत र चीनसँग प्रधानमन्त्रीस्तरीय वार्ता गर्न आग्रह गरेका हुन् ।

‘प्रधानमन्त्रीज्यू छिमेकी राष्ट्र चीन र भारत भ्रमणमा जाँदै हुनुहुन्छ भन्ने कुरा सुनेको छु,’ उनले भने, ‘लिपुलेक, लिम्पियाधुरा र कालापानीबारे भारत र चीनसँग प्रधानमन्त्री स्तरीय वार्ता गर्नुपर्छ । र यो वार्ता गर्न हामी अपील गर्दछौँ ।’

उनले लिपुलेक-लिम्पियाधुराबारे संयुक्त राष्ट्रसंघमा किन कुरा नउठाइएको नेर सरकारलाई सोधे । ‘यो विषय संयुक्त राष्ट्रसंघमा उठाइयोस् । तर अहिलेको सरकार पोलियो रोग लागेको मान्छे जस्तै रहे छ’, उनले भने ।