काठमाडौँ ।  नेपाल राष्ट्र बैङ्कले आइतबार निक्षेप सङ्कलन उपकरण जारी गरेको छ । आइतबार बैङ्क तथा वित्तीय संस्थाहरूसँग भएको अधिक तरलता व्यवस्थापन गर्न राष्ट्र बैङ्कले निक्षेप सङ्कलन उपकरण जारी गरेको हो ।

आइतबार राष्ट्र बैंकले २१ दिनको लागि ५५ अर्ब रुपैयाँको निक्षेप सङ्कलन उपकरण जारी गरेको हो । जसको बोलकबोल आइतबार नै ‘अनलाइन बिडिङ सिस्टम सफ्टवेयर’मार्फत हुनेछ ।

राष्ट्र बैंकका अनुसार आइतबार ३ बजेसम्म बैङ्क तथा वित्तीय संस्थाहरूले घटीमा १० करोड र बढीमा ५ करोड रुपैयाँले निःशेष भाग जाने गरी आवेदन दिन सक्नेछन् ।
उपकरणको ब्याजदर बोलकबोलमार्फत नै निर्धारण हुनेछ भने, सावाँ तथा ब्याज भुक्तानी असोज ५ गते हुने राष्ट्र बैङ्कले जनाएको छ ।