काठमाडौँ । राष्ट्रिय स्वतन्त्र पार्टी (रास्वपा)का उपसभापति डाक्टर स्वर्णिम वाग्ले साइबर ब्युरो जाँदै छन् ।

उनी आफ्नो आवाज प्रयोग गरेर सामाजिक सञ्जालमा पोस्ट गरिएको डीपफेक भिडिओ विरुद्ध उजुरी दिन साइबर ब्युरो जान लागेका हुन् । उपसभापति वाग्ले सो कार्यको विरुद्धमा उजुरी दिन काठमाडौं भोटाहिटी स्थित साइबर ब्युरो जान लागेको प्रवक्ता मनिष झाले बताए।

उनका अनुसार वाग्ले २ बजेर १५ बजे साइबर ब्युरो पुग्दैछन्। आज सदनमा बोल्दै सांसद हरि ढकालले सत्तापक्षले सदनमा वैचारिक प्रतिवाद गर्न नसकेपछि आफ्ना नेताहरूको डीपफेक भिडिओ बनाएर चरित्रहत्या गर्न खोजेको आरोप लगाएका थिए।