काठमाडौं । नेपाली सेना र चीनको जनमुक्ति सेनाबीच काठमाडौंमा संयुक्त अभ्यास सुरु भएको छ । सगरमाथा फ्रेन्डसिपको पाँचौँ संस्करण अन्तर्गत आइतबारदेखि संयुक्त अभ्यास सुरु भएको हो । भदौ ३१ गतेसम्म सञ्चालन हुने अभ्यासमा विपद् व्यवस्थापन, संयुक्त राष्ट्र संघीय शान्ति मिसन प्रतिआतंकवाद लगायतका विषयहरुमा ज्ञान आदान प्रदान हुनेछ ।

२०७४ सालबाट सुरु भएको अभ्यास नेपाल तथा चीनमा प्रत्येक वर्ष आलोपालो सञ्चालन हुँदै आएको छ । नेपाली सेनाले विभिन्न विषयमा क्षमता आदान प्रदान गर्ने उद्देश्यले छिमेकी देशका सेनासँग द्धिपक्षीय तथा बहुपक्षीय अभ्यास एवं पेसागत प्रतियोगितामा सहभागिता जनाउँदै आएको छ ।